Janë mbyllur katër ndeshjet e ditës së sotme në Kupën e Shqipërisë me favoritët që bënë detyrën. Laçi mposhti pa “djersitur” Devollin në shtëpi me rezultatin 5-0 duke e çuar rezultatin e përgjithshëm në 7-0.
Goleadë edhe për Bylisin që mposht Pogradecin me rezultatin tenistik 7-1. Teuta fitoi me vështirësi ndaj Luzi 2-0 në teksa në minutën e 89 erdhi edhe goli i qetësisë në Niko Dovana.
Ndërkohë, shumë më dramatik ka qenë kualifikimi i Lushnjës për në turin tjetër. Skuadra e Duros shkonte në këtë sfidë me avantazhin e dy golave ndaj Tërbunit, por ka parë që shifrat të përmbysen nga pukjanët duke shkuar në 3-0.
Megjithatë, Korreshi në minutën e 90 shënoi golin e i cili ktheu lushnjarët në garë për kualifikimin, duke çuar sfidën në shtesa.
Aty ishte goli i Haxhiut në minutën e 95-të që çoi shifrat në 3-2 dhe ktheu kualifikimin përsëri në krahun e lushnjarëve të cilët e mbrojtën deri në vërshëllimën përfundimtare duke siguruar turin e dytë.
