3 nga të arrestuarit në sajë të operacionit “plumbi i artë” i janë drejtuar me rekurs Gjykatës së Lartë, për masë më të butë sigurie.
Fatos Gosa, Petrit Qoli dhe Agron Qoli, i kanë depozituar rekursin, dhe çështja do shqyrtohet nga anëtari i kësaj gjykate Sokol Binaj. Këta persona u arrestuan në sajë të operacionit “plumbi i artë”, ku pas dëshmisë së dëshmitarit te drejtësisë Nuredin Dumani u zbardhën disa vrasje dhe u lëshuan plot 32 urdhër arreste.
Referuar dëshmisë së dëshmitarit të drejtësisë Gosa ka dhënë informacione mbi lëvizjet e Andi Zylyfit i ekzekutuar në Peqin, ngjarje e ndodhur në fund të vitit 2019. Ndërsa Petrit dhe Agron Qoli, sipas Dumanit, kanë marrë pjesë dhe dhe kanë dhënë informacione mbi lëvizjet e Fatmira Dedës, vrasje e porositur nga Festim Qoli.
60-vjeçarja u ekzkutua në mënyrë tragjike, në garazhin e pallatit ku banonte. Sipas Dumanit, vrasja u krye nga Talo Çela, Ndersa u porosit nga Festim Qoli, pasi ajo intersohehej në prokurori për vrasjen e djalit të saj Ervis Deda, ngjarje e ndodhur në vitin 2012.
Sipas dumanit djali i saj ishte kryer nga Henrik Hoxhaj me porosi të Festim Qolit, për shkak të një borxhi. Në ekzkekutimin e 34-vjeçarit, në atë kohë Festim Qoli, i cili ështe në kërkim, kishte pasur rolin e shoferit. Ndersa vrasjen e nënes së tij, e porositi pasi ajo po i hapte probleme me drejtësinë.
