Armando Broja tundi sot rrjetën për herë të parë në një ndeshje të Premier Ligës me Çelsin, duke vulosur fitoren 3-0 ndaj Ullvërhempton me golin e tij në minutën e 90 të sfidës.
Një ndeshje ku në fakt ai bëri më shumë punë presingu ndaj kundërshtarit për të mos e lejuar që të kthehej në sfidë, duke sakrifikuar shpesh në kthimin në mbrojtje gjatë minutave që luajti si zëvendësues. Kjo shihet edhe në statistika, ku sulmuesi shqiptar ka pasur vetëm 3 prekje të topit në minutat në fushën e lojës.
Por ai ka qenë shumë efikas, pasi në një nga këto prekje ishte edhe gjuajtja drejt portës që solli golin e tij të parë me Çelsin, një efikasitet që i ka siguruar atij vlerësimin me notën 7,2 për 18 minutat në fushë.
