Deputetja e Partisë së Lirisë, Erisa Xhixho ka komentuar sondazhin e publikuar nga Euronews, mbi shpopullimin e vendit.
Përmes një postimi në rrjetin e saj social fb, Xhixho shkruan se përgjegjës për këtë është Kryeministri, pasi sipas saj Rama ka shuar shpresën e shqiptarëve për të ardhmen.
REAGIMI I XHIXHOS
Shqiptarët janë pesimistë për të ardhmen. Qeveria Rama u ka shuar shpresën për të ardhmen e tyre dhe të fëmijëve.
Sipas sondazhit te Euronews Albania:
➡️60.2% e shqiptarëve janë pesimistë për ecurinë e situatës së përgjithshme në vendin tonë.
➡️84.7% mendojnë se problemi kryesor është ekonomia
➡️67% mendojnë si problemin më të madh nivelin e lartë të kriminalitetit në vend.
➡️41.2% thonë se problem është korrupsioni.
➡️ Për ata që shohin si problem ekonominë, produktet e shportës zënë pjesën më të madhe të shqetësimit me 46.8%, të ardhurat e pamjaftueshme 25.7%, papunësia 15.9% dhe kostot e transportit 10.7%.
Ikja masive e tyre është pasojë e kësaj pakënaqësie.
Iceneratorët për të cilët paguajmë çdo ditë, shkollat që mbyllen me VKM, universitetet që boshatisen, varfëria e ulur këmbëkryq në më shumë se gjysmën e familjeve shqiptare mbajnë firmēn e kësaj qeverie.
Rikthimi i shpresës te qytetarët është e vetmja mënyrë për ta ndalur shpopullimin.
Politikat efektive të punësimit, mbështetja financiare për kategoritë në nevojë dhe mbi të gjitha arsimi si prioritet kombëtar janë rruga për ta nxjerrë vendin nga gropa ku po zhytet përditë.
