Prokurorët në Spanjë po hetojnë një grup studentësh meshkuj që janë filmuar duke ofenduar dhe hedhur fjalë seksiste ndaj vajzave në Madrid.
Videot janë bërë virale, ku djemtë kanë mbushur dritaret në godinën studentore Elías Ahuja.
“K*rva, dilni nga vrimat, lepurueshe, ju jeni k*rva nimfomane”, dëgjohet një nga studentët duke thënë.
Më pas studentët e tjerë në dritare, bashkarisht, nisën të bërtasin.
“Ne nuk mund t’i tolerojmë këto sjellje që gjenerojnë urrejtje dhe sulmojnë grate.Është veçanërisht e dhimbshme të shohësh se ata që janë përfshirë janë të rinj”, shkroi kryeministri Pedro Sánchez në Tëitter.
Ai bëri thirrje për “një përgjigje të bashkuar, të gjerë dhe të përbashkët duke hedhur poshtë këto sjellje seksiste”.
Prokurori publik i Madridit ka hapur një hetim për të zbuluar nëse incidenti përbën një krim urrejtjeje.
Elías Ahuja reagoi duke thënë se student që foli me gjuhë urrejtje është përjashtuar, ndërsa të tjerët që u përfshinë në këtë skandal do futen në një kurs për barazinë gjinore.
