Kreu i Partisë Demokratike, Sali Berisha u ka bërë thirrje shqiptarëve që të ngrihen në protesta të përgjithshme në gjithë vendin, për të ardhmen dhe dinjitetin e tyre.
Nga Gjirokastra, ku po zhvillon një takim të përjavshëm me gazetarët lokalë, Berisha tha se vendi është në situatë katastrofale.
“Situata po bëhet katastrofale. Krahas vendosmërisë së forcave politike për të shkuar drejt zgjedhjeve lokale, ka dhe një vendosmëri të opozitës për të shkuar në protesta të përgjithshme. U bëj thirrje shqiptarëve kudo që janë, arsimtarëve, mjekëve, bizneseve të vogla, të ngrihemi kundër këtij rrënimi të çdo norme ligji për një vend të lirë”, tha Berisha.
Më tej, ai u ndal dhe të sulmet kibernetike ndaj sistemeve të Policisë, ku tha se ato janë bërë me ndërhyrje nga brenda me qëllim që në Shqipëri ët futen kriminelë me “qëllime të mbrapshta” dhe të dalin personat e kërkuar nga drejtësia.
“Çdo ditë që kalon, regjimi i Edi Ramës bëhet më abuziv. Kurrë ndonjëherë Shqipëria nuk ka qenë më e pasigurt se këto ditë. Vetëm shkatërrimi i sistemit TIMS dhe MEMEX, ka bërë të mundur që në vend të futen qindra kriminelë për qëllime të mbrapshta. Ka bërë të mundur të largohen qindra e qindra të tjerë që duhet të përballeshin me shtetin.
Ky është absolutisht operacion nga brenda. Për të zhdukur gjurmët e politikaneve me krimeve. Të zhdukë gjurmët e Taulant Ballës në udhëtim 54 herë me një trafikant. Kishte si qëllim transformimin tërësisht të vendit, për vendosjen në urdhrat e krimit.
Kryepolici i vendit u largua nga detyra pa asnjë argument. Dënoj me ashpërsi këtë akt. Dënoj fshehjen që bën Edi Rama, Bledi Çuçi, tani ka çuar dhe një zëdhënës të vetin, se atë tjetrin e çoi për trajnim se ka qenë i pashkolluar ky Helidoni. Tani ka çuar zëdhënësin e vetë. Ka shtrirë kontrollin në çdo qelizë. Siguria është më në rrezik se asnjëherë.
Situata po bëhet katastrofale. Krahas vendosmërisë së forcave politike për të shkuar drejt zgjedhjeve lokale, ka dhe një vendosmëri të opozitës për të shkuar në protesta të përgjithshme. U bëj thirrje shqiptarëve kudo që janë, arsimtarëve, mjekëve, bizneseve të vogla, të ngrihemi kundër këtij rrënimi të çdo norme ligji për një vend të lirë.
Ti presim Edi Ramës faturën që meriton. Nëse marrim 100 ditët e fundit, ajo që quhet qeveri e Edi Ramës me të në krye, ka vjedhur më shumë se çdo qeveri dhe hajdutët e Shqipërisë në 110 vitet e fundit të marra së bashku. Ndaj i ftoj shqiptarët të ngrihen në protestë për dinjitetin dhe të ardhmen tonë”, th Berisha.
