Aktorja e njohur Angelina Jolie ka akuzuar ish-bashkëshortin e saj Brad Pitt për dhunë në seancën gjyqësore që po zhvillohet si pjesë e betejës së saj të gjatë të divorcit me të.
Sipas dokumenteve që Jolie paraqiti në gjykatës, Pitt akuzohet se i ka vënë “thonjtë në fyt” njërit prej gjashtë fëmijëve të gjatë një mosmarrëveshjeje të dhunshme teksa udhëtonin me një avion privat.
Jolie gjithashtu pretendon se aktori i njohur ka goditur një tjetër fëmijë në fytyrë, madje duke përplasur aktoren pas një muri teksa e kishte mbërthyer nga flokët.
Jolie tha se sjellja e Pitt në fluturimin e shtatorit 2016 nga Franca në Kaliforni i la fëmijët me trauma dhe duke qarë, ndërsa ajo pësoi lëndime në shpinë dhe bërryl.
Pesë ditë pas fluturimit ajo paraqiti kërkesën për divorc dhe në shtator 2021 ajo shiti aksionet e saj në kantinën franceze që zotëronte bashkë me Pitt. Ndërkohë, ai e paditi atë për shitjen dhe të martën ajo u kundërpërgjigj, duke e fajësuar atë për baltosjen e figurës së saj.
“Ajo ka bërë përpjekje të mëdha për të mbrojtur fëmijët e tyre nga ripërjetimi i dhimbjes që Pitt i shkaktoi familjes atë ditë”, shkruajnë avokatët e Jolie.
