Një shpërthim ka ndodhur këtë të Martë në fabrikën e armëve Arsenal në qytetin bullgar Kazanlak.
Mediat bullgare raportojnë se si pasojë e shpërthimit kanë humbur jetën 3 persona, ndërsa tre të tjerë janë plagosur dhe janë dërguar në spital. Ende nuk dihet se si ka ndodhur shpërthimi, ndërsa mendohet se shkak ka qenë shkelja e rregullave në lidhje me sigurinë e punës.“Ky është ndoshta një gabim njerëzor, sepse nëse do të plotësoheshin të gjitha kërkesat teknologjike, kjo nuk do të kishte ndodhur”, tha prokurori i qarkut Diço Atanasov.
Prokurori i apelit saktësoi se në punishte prodhoheshin produkte që përdoreshin për prodhimin e llojeve të ndryshme të fishekzjarreve dhe jo armatime luftarake.Zyra Rajonale për Sigurinë nga Zjarri dhe Mbrojtjen e Popullsisë raportoi se incidenti ka ndodhur rreth orës 11:04.
Televizoni shtetëror bullgar ka bërë me dije se dëshmitarët okularë kanë treguar se fuqia shpërthyese ka qenë shumë e madhe.Operacionet e shpëtimit nuk kanë nisur ende, pasi ekziston rreziku i një shpërthimi dytësor.
Kështu ka thënë për mediat Todor Dejanov, prokuror i Apelit në Plovdiv.Një skuadër e specializuar kundër terrorizmit është drejt vendngjarjes për të siguruar perimetrin dhe për të udhëhequr operacionin për pastrimin e mbetjeve dhe kërkimin e dy personave që rezultojnë të zhdukura.
