Kryeministri Edi Rama është takuar me peshkatarët në Portin e Durrësit ditën e sotme.
Gjatë fjalës së tij, Rama ka paralajmëruar furnitorët e naftës në qytetin bregdetar duke thënë se kushdo që nuk respekton çmimin tavan që do të vendoset nga qeveria do t’u sekuestrohen depozitat.
“Me një situatë absurde, ku nuk u përmend por ju shkonit që ta merrnit naftën në Itali, sepse këtu ishte e pamundur. Ju dilte më lirë që ta merrnit naftën në Itali. Rreth 90% prej jush ishit informalë, jo se donit, por se formaliteti ishte i pamundur. Ne duam që Shqipëria të shkojë në 1 miliard lekë eksporte bujqësore. Por kjo kërkon që të lehtësojmë çdo lloj peshe në apsektin burokratik. Ne jemi në presionin e kritikave tuaja. Nga ana tjetër duam që fuqizimi i flotës të arrijë në nivele të tjera. Duam të rrisim nivelin e porteve të peshkimit. Gjithë kjo zonë, do të kthehet në një zonë turistike. Ju do vazhdoni punën tuaj, do bëjmë një merkat të bukur peshku, një nga më të bukurat e Mesdheut. Kështi do të krijojmë një rrugë këmbësore, që do të ketë lokale, restorante dhe clube. E njëjta gjë do të ndodh edhe në portin e Vlorës. Duhet të bëjmë çmos që në raport me sot të bëjmë shumë në përfundim. Ne u goditëm nga tërmeti, më pas pandemia dhe tani lufta. Në nuk u goditëm me plumba por me inflacion. Është e domosdoshme që të mos ndalojmë mbështetjen për fermerët, nafta është rritur, por duhet që të mos prekë ata që janë në vijën e parë. Loja e çmimit të naftën që luhet në portin e Durrësit, do të ndalohet dhe do të vendoset një çmim tavan për të gjithë. Këto nuk ka vend për të bërë lojëra dhe as xhibla me punën tuaj. Të gjithë furnitorët e Durrësit do të jenë të detyruar të kenë një çmim dhe nëse nuk e respektojnë do t’i marrim depozitat”, tha Rama.
Ndërkohë në krahun tjetër, opozita ka kërkuar që në mënyrë urgjente të shkrihen bordet të cilat etiketohen si “komuniste” dhe po abuzojnë me çmimet e larta të naftës në treg në një kohë kur çmimi në bursën ndërkombëtare gjatë këtij muaji ka arritur në pikën më të ulët.
