Një aksident ka ndodhur ditën e djeshme gjatë gjuetisë në Teano, pranë Caserta, ku 57-vjeçari Aldo De Francesco humbi jetën pasi u qëllua nga shoku i tij 76-vjeçar.
Sipas karabinierëve të stacionit të Teanos, de Francesco, një kontraktor ndërtimit ishte nisur për gjueti për derra të egër me një grup prej 10 gjuetarësh.
76-vjeçari, banues në Carinola ka qëlluar aksidentalisht në drejtim të shokut të tij. Ai u dërgua me urgjencë në spital, por humbi jetën.
76-vjeçari u paraqit në komisariat për të sqaruar se çfarë ndodhi.
“E qëllova, nuk e pashë”, tha ai i dëshpëruar.
Ai do të hetohet për vrasje nga pakujdesia. Në ditët në vijim do të bëhet autopsia e trupit të De Francescos.
