Ish-drejtoresha e Autoritetit Rrugor Shqiptar, Sonila Qato është paraqitur mëngjesin e kësaj të hëne në Prokurorinë e Posaçme.
Ish-ministrja e Shtetit për Mbrojtjen e Sipërmarrjes, Sonila Qato ka qene e shoqëruar nga avokati i saj.
Sonila Qato mëngjesin e sotëm ka hyrë në ambientet e SPAK, por nuk dihet se për çfarë bëhet fjalë; nëse marrja në pyetje lidhet me detyrën e parë si Ministre e Shtetit në qeverinë socialiste apo me atë si drejtoreshë e ARRSH.
Në janar të vitit 2020 Kontrolli i Lartë i Shtetit bëri kallëzim në prokurori për ish-Drejtoreshën e Autoritetit Rrugor Sonila Qato dhe 3 anëtarë të Komisionit të Vlerësimit të Ofertave.
Sipas KLSH, ata shkelën procedurat e tenderimit për tunelin e rrugës Kardhiq-Delvinë me vlerë 19 milionë euro, i cili u anulua në gusht 2019 pasi kompania “Gjoka Konstruksion” ishte skualifikuar 2 herë.
Në auditimin e bërë më vonë, KLSH thotë se skualifikimi është bërë në kundërshtim me ligjin pasi kompania në fjalë kishte paraqitur ofertën më të ulët dhe dhe se me vendim të Komisionit të Prokurimit Publik duhej shpallur fituese, por vendimi nuk është zbatuar.
