Një farmacie iu vendos flaka gjatë natës në qytetin e Vlorës.
Deri tani dyshohet se një person i maskuar fillimisht ka hedhur lëndë djegëse dhe më pas i ka vendosur flakën derës së këtij biznesi që ka përfunduar i shkrumbuar. Ndërkohë banorët që jetojnë në pallatin sipër farmacisë tregojnë se dëgjuan një zhurmë sikur plasi diçka dhe dolën në ballkon për të parë se çfarë kishte ndodhur.
“U trembën se dëgjuam një zhurmë si bombë. Kur dola këtu (në ballkon) u bllokova…se era erdhi që brenda. Nuk pashë asnjë njeri, asnjë gjë se ma dha zemra. U tremba shumë” tha një banore.
Farmacia është nën administrimin e Resmina Isakaj, që raportohet se nuk ka probleme me ligjin. Grupi hetimor po punon për zbardhjen e rrethanave të ngjarjes dhe shkakut të rëniessë zjarrit.
