Pas akuzave të LSI në drejtim të këshilltarit Agim Kraja duke e cilësuar atë të blerë, ky i fundit ka reaguar për mediat duke i cilësuar ato shpifje.
Këshilltari Kraja paralajmëron se akuzat e bëra ndaj tij do të jenë dhe objekt i një padie penale për shpifje në Gjykatën e Tiranës.
“Distancohem nga deklarata e kolegëve që bojkotuan dje mbledhjen. Bojkoti nuk i shërben qëllimit tonë për t’i shërbyer Tiranës.
Deklaratat për gjoja korruptim janë pa kuptim dhe pa asnjë bazë dhe do jetë objekt i një padie penale për shpifje në gjykatën e Tiranës.
Në këto kushte distancohem nga LSI i bindur që do e kuptojnë që bojkoti i këshillit nuk çon asgjëkundi.
Respekt për bashkëpunimin në këto vite me çdo drejtues dhe anëtar të kësaj partie.
Do vazhdoj kontributin tim në Këshillin Bashkiak të Tiranës dhe në politikë gjithmonë në interes të qytetarëve larg interesave partiake”, deklaroi Kraja.
