Tirana mposhti sot në derbi Partizanin me rezultatin e pastër 2-0 në një ndeshje me mjaft emocione në “Air Albania”.
Bardheblutë edhe pse për më shumë se 50 minuta luajtën me një lojtar më pak, treguan se janë ata skuadra për tu mundur edhe në këtë edicion të ri futbollistik.
Redon Xhixha ka qenë heroi i Tiranës sot në derbin ndaj Partizanit, teksa shënoi dy golat e sfidës në suksesin 2-0. Duke folur pas sfidës, ai deklaroi se të gjithë ia kushtonin këtë ndeshje kapitenit Ismajlgeci, pas dramës familjare të kapitenit.
Pak orë para startit të ndeshjes, mbrojtësi 22-vjeçar humbi gjyshen e tij, ndërsa zhvilloi një ndeshje fantastike duke treguar një karakter tepër të fortë.
“Shënova dy gola por në radhë të parë kjo fitore shkon për Ismajlgecin se pak para ndeshjes humbi gjyshen dhe e falënderojmë se të humbësh një njeri të dashur e të futesh në fushë të sakrifikohesh bëri diçka të madhe dhe të gjithë ia dedikojmë Ismajlgecit.- deklaroi Xhixha pas ndeshjes.
