Banorët e lagjes “Mali i Rrëzuar” në fshatin Mnelë të Bashkisë Vau i Dejës janë ngritur në protestë, ditën e sotme
Në një prononcim për mediat banorët kërkojnë ndërtimin e digës për tu mbrojtur nga lumi Gjadër, i cili është kthyer në rrezik për banorët e zonës.
Banorët: Lumi Gjadër rrezikon mbi 80 familje. Prodhimet bujqësore po na shkojnë dëm. Kemi bërë peticion në bashki, na kanë thënë se i takon për ndërhyrje AKMC Tiranë. Është pranuar se lumi Gjadër sjell rrezik për zonën. Që në vitin 2003, shtrati i lumit Gjadër është ngritur 2 metër.
