Ushtarët e mobilizuar rusë nuk e kanë as edhe një motiv që të nisen për luftë drejt Ukrainës, e këtë e dëshmon më së miri videoja më e fundit ku shihen duke qarë.
Disa prej ushtarëve të mobilizuar janë filmuar me smartphone duke qarë, në momentin që e kuptuan se do të dërgohen në Kherson, pa pasur as edhe një përvojë më të vogël ushtarake e lëre më të trajnohen për beteja, transmeton Telegrafi.
E raste të tilla janë shpeshtuar së fundmi, në veçanti nga mobilizimi i pjesshëm rus që me urdhër të presidentit rus Vladimir Putin filloi të aplikohet javë më parë.
Se ushtria e Putinit është në krizë të madhe e dëshmojnë edhe video të shumta, ku janë këshilluar të blejnë ilaçe si dhe këpucë në mungesë të tyre.
Madje në një video një zyrtare ushtarake dëgjohet duke i këshilluar ushtaret që të blejnë tampon, me qëllim që t’i shfrytëzojnë si fasha në rast se goditen nga ndonjë plumb të ukrainasve.
