Në qepenin e një dere të një magazine në Kamzë është hedhur një sasi e vogël lënde plasëse gjatë orëve të para të mëngjesit të sotëm.
Si pasojë është dëmtuar pjesërisht qepeni i derës.
Nuk raportohet për të lënduar.
“Më datë 01.10.2022, në orën 03:00, në Kamzë, në derën e një ambienti (magazinë për vegla muzikore) të marrë me qira nga shtetasi B. L., dyshohet se ka shpërthyer një sasi e vogël lëndë plasëse. Si pasojë është dëmtuar pjesërisht qepeni i mbylljes së derës të këtij ambienti.”- njofton policia.
Vijon puna nga grupi hetimor për zbardhjen e rrethanave të ngjarjes dhe identifikimin e kapjen e autorit.
