Kryeministri, Edi Rama ka folur në Forumin e Menaxhimit të Integruar të Mbetjeve dhe Ekonomisë Qarkulluese për pastrimin e mbetjeve në të gjithë vendin.
Teksa vuri re mungesën e kryetarit të Bashkisë Shkodër, Bardh Spahia, Rama tha se situata e pastërtisë në Shkodër është ku thërret qameti.
Rama: Duke ju falenderuar të gjithë që keni dhënë një kontribut të jashtëzakonshëm dhe duke pasur bindjen që kjo do të shërbejë edhe si inkurajim sepse janë bërë ndryshime të mëdha, s’po përmend që kemi situata negative, s’po i përmend. Kryetari i Bashkisë Shkodër nuk është këtu, por me të ka një përpjekje dhe ka një qasje, pavarësisht se situata e pastërtisë në Shkodër është ku thërret qameti. E vërteta duhet thënë. Faleminderit të gjithë, Gjermania nuk është ndarë nga kjo fushë që në krye të herës, projektet kanë qenë të shumta. E rëndësishme është që vullneti dhe dëshira për ta vazhduar mbështetjen është e madhe.
