Kalimi i Sadio Mane te Bayerni ishte një nga transferimet më të bujshme të verës. Sulmuesi nuk e ka nisur dhe aq mirë aventurën në Mynih, pasi deri më tani ka shënuar vetëm 3 gola. Në mbështetje të tij ka dalë drejtori sportiv i bavarezëve, Hasan Salihamidzic, në një intervistë të dhënë për SportBild.
“Sadio ka ende nevojë për kohë, duhet të mësohet me Bundesligën dhe gjithçka tjetër, por do t’ia dalë. Unë flas me të rregullisht, ai vetëm duhet të organizohet në atë mënyrë që të ambientohet në Mynih. Ai është një nga lojtarët më të mirë në botë dhe do të na japë shumë kënaqësi” – tha ai.
