Gjykata e Tiranës ka pranuar aktet e miratuara gjatë konventës së ish Lëvizjes Socialiste për Integrim, në datën 25 korrik të këtij viti.
Me këtë veprim, tani e tutje, zyrtarisht ish LSI-ja, do të njihet si “Partia e Lirisë”, me kryetar aktual Ilir Metën i cili një ditë para konventës, përfundoi mandatin e tij 5 vjeçar si president i vendit.
Me ndryshimet statutore dhe pranimin në gjykatë nga sot LSI është zyrtarisht Partisë së Lirisë, ndryshime të cilat i janë përcjellë edhe KQZ si subjekt i interesuar. Më 25 korrik, vetëm një ditë pasi la postin e kreut të shtetit, Ilir Meta u rikthye sërish në jetën aktive politike, duke rimarrë drejtimin e partisë së tij LSI-së. Meta mbajti konventë kombëtare të LSI-së ku u vendo që partia të mbajë emrin Partia e Lirisë.
