Nxënëset e kolegjit turk ‘Mehmet Akif’ që ka mbyllur dyert me urdhër të qeverisë kanë vendosur diplomat e kupat e marra nga vetë kryeministri Edi Rama para zyrës së tij. Teksa protestojnë, vajzat i bëjnë thirrje kryeministrit Rama që të anulojë mbylljen e kolegjit ku ata kanë mësuar prej vitesh e dëshirojnë të vijojnë të bëjnë të njëjtën gjë.
“Anulo mbylljen, anulo mbylljen,”- dëgjohet të thonë ato.
Nxënësit e kolegjit privat ‘Mehmet Akif’ kanë dalë të protestojnë sot kundër mbylljes së kolegjit turk, vendim i marrë nga qeveria shqiptare me argument ndërrimin e vendndodhjes pa njoftuar. Nxënës, prindër por edhe mësues të këtij kolegji kanë bllokuar rrugën pranë Ministrisë së Arsimit. Ata mbajnë pankarta në duar me mbishkrime të ndryshme. Një prej tyre thotë: Mbyllni derë shkolle e hapni dyer burgu!
