Një 41 vjeçar është arrestuar në pikën kufitare të Morinës në tentativë për të shmangur kontrollin nga policia.
Shtetasi me inicialet S.Sh. nuk i është bindur urdhrit të policisë kufitare për të ndaluar por është larguar në drejtim të Shqipërisë ku është vënë në ndjekje dhe është arrestuar për kundërshtim të forcave të rendit publik.
“Nuk ndaloi pas urdhrit të Policisë së Kosovës, por u largua me shpejtësi, me automjet, në drejtim të Shqipërisë, duke mos ndaluar as në kufi, kapet dhe vihet në pranga 41-vjeçari. Gjatë kontrollit të imtësishëm që shërbimet e Policisë ushtruan në automjetin që drejtonte i ndaluari, nuk u konstatua asnjë send i kundërligjshëm.
Në përfundim të veprimeve, u arrestua shtetasi S. Sh., 41 vjeç, banues në fshatin Bardhoc, për veprat penale “Mosbindja ndaj urdhrit të punonjësit të Policisë së rendit publik”, “Kundërshtimi i punonjësit të Policisë së rendit publik” dhe “Kalimi i paligjshëm i kufirit shtetëror”, thuhet në njoftimin e pikës kufitare të Morinës.
Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
