Shikimi i hedhur në drejtim të syve të një vajze, ka mjaftuar për t’i marrë jetën një 50-vjeçari, në qendër të Athinës.
Sipas informacioneve të para, 50-vjeçari ka ngacmuar të dashurat e një grupi djemsh.
Mediat greke raportojnë se grupi i të rinjve, që dyshohet se kanë qenë edhe në gjendje të dehur, kanë masakruar për vdekje me grushte burrin në zonën e Gazit në kryqëzimin e rrugëve Ikario dhe Zagreos.
Gjithçka ka ndodhur në orën 06:00 të mëngjesit të së shtunës në Kerameikos me grupin prej 4-5 persona që nuk e kanë ndaluar intensitetin e goditjeve për disa minuta mbi 50-vjeçarin.
Viktima u pikas nga një polic, i cili kishte dalë për shëtitje dhe kishte konstatuar trupin e mbuluar me gjak, por pa pasur lëndime nga ndonjë send i fortë apo armë.
I moshuari është transportuar me autoambulancë në spitalin “G. Gennimatas” ku edhe ndërroi jetë.
