Kukësi ka shfrytëzuar pushimin e Kombëtareve për të zhvilluar një ndeshje miqësore. Verilindorët u përballën me Turbinën, teksa skuadra e Kategorisë së Parë triumfoi minimalisht me shifrat 1-0.
Trajneri i kuksianëve, Enkeleid Dobi kërkon që të mbajë sa më në formë të jetë e mundur lojtarët, në këtë periudhë pushimi.
Renditja në vendin e fundit në kampionat tregon se mbetet shumë punë për t’u bërë te kjo skuadër. “Skuadra jonë ka zhvilluar sot pasdite një miqësore testi ndaj Turbinës, aty ku trajneri ka pasur mundësinë të shohë edhe futbollistët që nuk kanë pasur hapësira në ndeshjet e kaluara.
Një gol i shënuar në pjesën e parë ka vendosur fatet e këtij testi teksa ekipi do të vijojë me përgatitjet për Kupën dhe Kampionatit” – Shkruan Kukësi.
