Deputetja demokrate Grida Duma ka hedhur akuza ndaj mazhorancës duke thënë se nuk ka krijuar siguri detare.
“Mazhoranca përmenden sigurinë detare. Mendova se siguria jonë detare, janë si shkretëtirë ranore, se nuk ka jetë detare. Ka një murë betoni dhe një det si shkretëtirë e pa gjalluar. Shikoni Durrësin, nuk ka jetë detare” tha Duma.
Mes të tjerash Duma ka përmendur edhe tragjedinë që ndodhi në Potam, ku një vajzë 7-vjeçare humbi jetën si pasojë e përplasjes nga një skaf që drejtohej nga një polic.
“Siguria detare thoni, por një 7 vjeçare në Potam humb jetën se nuk ka siguri qeveritare. Ende nuk është mbajtur një minutë heshtje për këtë ngjarje. Thoni Reforma në Drejtësi, por ministri është vetëm bishti që thur lavde. Tragjedi ajo atje në Potam. Sa herë flisni për Reformën në Drejtësi. Kam mbrojtur ish eksponentë të Opozitës. Mirënjohja është virtyt i keq në politikë. Vijoni me hipokrizi. Reforma në Drejtësi për Mazhorancën ishte me shtysë të madhe të Ndërkombëtarëve.” tha Duma.
Deputetja komentoi edhe ndihmën ekonomike që qeveria ofron për familjet në nevojë, dhe tha se kishte pyetur një zv.ministër nëse do të jetonte me 110 mijë lekë të vjetra në muaj, por nuk merr një përgjigje, kjo pasi ato kanë frikë nga e vërteta.
“Në Shqipëri nuk ka jetë detare, nuk ka siguri në bregdet. Kryeministri doli dhe tha e dua të dënuar. I dënuar nuk duhet të jetë ai se ai është vetëm bishti dhe që i mori jetën një 7 vjeçareje në Potam. Ndjej një lloj fajësie se të gjithë jemi prindër dhe e dimë se çdo të thotë ajo tragjedi. Sa herë flisni për Reformën në Drejtësi se pa drejtësi nuk ka zhvillim. Në vend që të jepni llogari vini na tregoni kush është bluja dhe kush është e kuqja. Nuk ka nevojë të shpiki rrotën njëri në Shqipëri. Kur thonë po ecën ngadalë do të thotë që po ecën keq, kjo është gjuha diplomatike nga andej. Nuk doja të hyja në këto ujëra të errëta, se po ashtu kur diskutohet për anijet, velat, lundrimet ne kemi detyra të mëdha. Kur diskutohet për anijet e lundrimet harrojmë që kemi detyra të mëdha e jo të vogla. Të mos sillemi sikur jemi udhëheqësit e botës por duhet të udhëheqim gjithsesi. Gjynah juaj se si i drejtoheni parlamentarëve është një glorifikim për të lartësuar shefin. Ju vini në çdo komision e në çdo dalje në parlament e thoni I kemi bërë të gjitha. A mund t’ia dalë një person me 110 mijë lekë të vjetra? E pyeta zëvendës ministrin e vetëm uli kokën.Në vitet ‘90 pamjet e Shqipërisë me anijet të mbushura plot që udhëtonin jashtë vendit, njerëzit qanin.Tashmë ikin me qejf nga Shqipëria. Në Francë me 9 euro një student shëtit gjithë Parisin, ka kartë studenti. Analiza thotë se minimalisht një student në Shqipëri i duhet 510 euro për të jetuar tamam. Vela më e madhe e anijes së Shqipërisë është rinia. Ju e keni çuar velën jashtë vendit prandaj anija e Shqipërisë nuk funksionon dot”, tha Duma.
