Policia e Tiranës ka goditur një rast të shfrytëzimit të prostitucionit dhe shpërndarjes së dograve të forta e llojit kokainë.
Bëhet me dije se një i ri i cili akuzohet për prostitucion është arrestuar. I riu shfrytëzonte për prostitucion vajza dhe i paguante ato me para false, ku në disa raste ka përdorur paund fals.
Por nuk mungonin rastet kur vajzat e shfrytëzuar paguheshin edhe me doza kokaine.
Policia pas marrjes së informacionit për këtë aktivitet të paligjshëm ndërmori operacionin, ku në banesën e këtij shtetasi që ndodhet në zonën e Kombinatit u ndaluan i riu, vajza që shfrytëzohej për prostitucion, dhe një shtetas tjetër që shpërndante kokainë.
