Ylli Manjani ka komentuar vendimin e prokurorisë për të censuruar mediat në lidhje me publikimin e materialeve që hakerat iranianë kanë marrë në serverat e shtetit shqiptar dhe i kanë bërë publike.
Duke folur përballë moderatorit Adi Krasta, prokuroria para se të censurojë median, duhet të hetojë personat përgjegjës që duhej të ruante dokumentet që tani janë në duar të njerëzve të paautorizuar.‘Dokumentet e shtetit, por nuk i ruajti shteti, kush duhet ti ruajë?
Këta zyrtarët, personat përgjegjës me ligj, prokurori si fillim nuk duhet ti lejojë të futen në zyra, sepse për fajin e tyre, dokumente shtetëror janë sot në duar të njerëzve të paautorizuar.
Pastaj vijmë te fakti a duhen ndaluar apo jo këto publikime.
Censura vendoset, por vendoset për gjëra konkrete. Ti i ke në dosje dhe i thua, që unë këto nuk dua ti shikoj në media. Por jo unë dua të ndaloj çdo gjë.
Prokuroria nuk është serioze në raport me interesin publik, por a është serioze në raportin privat këtë nuk di ta them. Një gjë është e sigurtë, që këta dokumente janë në duar të personave të paautorizuar, i kanë shtetas të huaj, shtetas të një shteti tjetër që mund ti përdorin për qejf të tyre.
Kur vjen përgjegjësia, e fundit që duhet të kërkohet është media’, tha Ylli Manjani
