Një prokuror që hetonte kryesisht vrasjet e grave dhe vajzave është vrarë jashtë zyrës së prokurorit publik të Ekuadorit në Guayaquil të Hënën.
“Edgar Escobar u qëllua nga persona të armatosur jashtë ndërtesës ku ai punonte në qytetin port”, tha zyra e prokurorit publik në Twitter.
Vrasja vjen në një kohë kur Ekuadori po rimëkëmbet nga një rritje e paprecdentë e dhunës në lidhje me trafikun e drogës, në të cilën bandat rivale kanë mbjellë terror në Guayaquil dhe sistemin e tij të burgjeve.
Vrasja e Escobar vjen menjëherë pas zhdukjes së avokates Maria Belen Bernal, 34 vjeç, në një shkollë në Quito. Një javë më parë, Bernal shkoi në shkollë për të vizituar bashkëshortin e saj, German Caceres, i cili punonte atje. Ky i fundit tashmë është në arrati me dyshimin se ai mund ta ketë vrarë avokaten.
