Deputetja e Partisë Demokratike, Albana Vokshi ka denoncuar situatën me të cilën përballen shumë prindër të cilët kanë dërguar fëmijët në shkollë këtë vit të ri arsimor.
Vokshi e ndodhur përpara Ministrisë së Arsimit, ka denoncuar disa problematika që i kanë ngritur prindërit për të gjetur zgjidhje.
“Jam kontaktuar me dhjetra prindër të cilët janë detyruar të lënë punët e tyre paradite se duhet të mbajnë fëmjijët që nuk mund të shkojnë në orare të zakonshme në mësim. Në orët e vona të pasdites, prindër të detyruar të presin fëmijët që dalin nga mësimi shumë të lodhur, prindër që sjellin më pak të ardhura në familje se kanë lënë punët se qeveria ka dështuar të sigurojë masat e duhura për një mbarëvajtje më të mirë të mësimit.
Jam kontaktuar nga disa prindër, që vetëm ditën e aprë janë gjendur përballë një vendimi që fëmijët s’do mësojnë më në shkollën Mihal Grameno, por në një shkollë në Sauk, disa km larg vendbanimit të tyre. Të premten kanë rezistuar prindërit dhe ky vendim është në shkelje të ligjit, se fëmijët duhet të mësojnë në shkollën më të afërt me vendbanimin e tyre”, tha Vokshi ndër të tjera.
Ajo tha në fshatra nuk kanë mbetur më fëmijë dhe shumë shkolla janë mbyllur.
“Ajo cka është më e trishtë është që në fshatra nuk kanë mbetur më fëmijë dhe shumë shkolla janë mbyllur. Problemi i kësaj qeverie është korrupsiomi, e më së shumti urrejtja që ka ndaj edukimit, arsimit. E dimë që kjo situatë nuk do përmirësohet sa kohë në krye të këtij vendi kjo qeveri mendon si të zhvasë paratë e arsimit e t’i fusë në xhepat e saj. Na duhet të gjithë së bashku të gjejmë forcë e të largojmë qeverinë armike me dijen”, tha Vokshi
