Kur Maricela Nuñez dëgjoi se mbretëresha Elizabeth II kishte vdekur, shpërtheu në lot dhe menjëherë më pas rezervoi një fluturim.
Nuñez fluturoi më shumë se 8 mijë kilometra për t’i bërë nderimet e saj monarkes së ndjerë, por jo vetëm prej admirimit të saj personal. Qëllimi ishte edhe përmbushja e një premtimi.
“Gjyshja ime ishte fansja më e madhe e Mbretëreshës Elizabeth. Ajo e donte aq shumë. Ajo dinte aq shumë për të. Edhe pse ajo nuk fliste anglisht. Ditë para se të vdiste, ajo më bëri t’i premtoja se do të takohesha me Mbretëreshën në një moment,” – tha ajo.
Maricela premtoi se do e takonte monarken. Ditë më vonë, gjyshja e saj ndërroi jetë. Kështu, kur 34-vjeçarja dëgjoi se Mbretëresha kishte vdekur, ajo e dinte se çfarë duhej të bënte.
Tre ditë pas vdekjes së Elisabeth II, meksikania shkoi në Londër për të përmbushur premtimin e gjyses së ndjerë.
Londra ka pritur qindra mijëra vizitorë duke kulmuar me 19 shtatorin kur mbretëresha dërgohet për në banesën e fundit.
