Era e fortë dhe shirat e rrëmbyeshëm kanë bërë që ditën e sotme të pezullohet lundrimi nga kapiteneria Vlorë për mjetet e peshkimit dhe mjetet e vogla lundruese.
Gjithashtu pezullohet lundrimi dhe për mjetet turistike dhe i trageteve të Vlorës.
“Janë njoftuar të gjithë drejtuesit e anijeve të peshkimit dhe mjetet e vogla lundruese për situatën e përkeqësuar dhe të merren masat për sigurimin e mjeteve në vendet e akostuara dhe parandalimin e ngjarjeve dhe situatave gjatë datave 17 shtator 2022 deri ne daten 18 shtator 2022”, thuhet në njoftim.
Përmirësimi i situatës meteorologjike në gjirin e Vlorës dhe jashtë saj për mjetet e vogla lundruese dhe të peshkimit njoftohet se do të jetë mbas datës 18 shtator 2022 ora 20:00.
