Zëvendës kryeministrja, Belinda Balluku gjatë një komunikimi me mediat ka deklaruar ndryshimet që do të vijnë në sektorin e energjisë ku u diskutua edhe heqja e fashës prej 800këh për konsumin e familjeve duke nisur nga viti i ardhshëm në varësi të situatës në vend e cila varet nga prodhimi vendas dhe ulja e importeve të energjisë elektrike.
“Nga gjithë analizat tona, vetëm 40 mijë familje e kalojnë fashën prej 800 kWh Dua të nënvizoj një fakt të rëndësishëm. Ky çmim do qendrojë në fuqi deri në 31 dhjetor, pasi pas kësaj date do të rishikohet çmimi sipas kushteve. Nëse kemi më pak importe dhe kushte më të mira hidrike edhe çmimi i fashës 800 kËh do të ulet ndjeshëm apo mund edhe të heqim fashën në varësi të prodhimit vendas”, tha fillimisht Balluku.
Ministrja e Energjisë dhe Infrastrukturës, bëri me dije se task forca për kontrollin e lidhjeve të paligjshme do të nisë më 1 tetor dhe targeti do të jetë të ulë me 15% konsumin mujor të energjisë.
“Jemi në 20% humbje energjie, ne synojmë ta ulim në 16%. Jemi në kohë krize dhe nuk duhet lejuar lidhja e paligjshme, prandaj task forca do të jetë në çdo vend. Por task forca do nisë nga institucionet. Nëpër institucione do të ketë administrator energjie për të mbikqyrur eficencën e energjisë elektrike në institucion. Targeti qe do i vendosim çdo institucioni nëpërmjet një Akti normativ është që të ulin me 15% konsumin mujor të energjisë. Çmimet e ndërtimet e konfiskuara do jetë mbi një koeficient të rëndësishëm. Nëse e para blejnë ndërtimin nuk do jetë me çmimin që deklarohet pasi ka informalitet por do ketë një koeficient që do vendoset për metër katror. Nuk mund të blihet metri katror në qendër 1700 euro, sepse ne e dimë që çmimi i tregut nuk është aq”- tha Balluku.
