Një 35-vjeçar është vënë në pranga të policisë së kryeqytetit pasi dyshohet për një sërë vjedhjesh, në banesa, biznese apo edhe qytetarëve të ndryshëm.
Në kuadër të operacionit ‘The night’, policia ka arrestuar shtetasin J.T banues në Tiranë, për veprën penale “Vjedhja”.
“Arrestohet shtetasi J. T, i cili dyshohet të jetë autor i disa vjedhjeve, në banesa dhe biznese të ndryshme të Tiranës, konkretisht:
– Më datë 07.06.2022, në rrugën “Panorama”, dyshohet se ka vjedhur në banesën e shtetasit A. K.;
– Më datë 02.09.2022, në “Don Bosko”, dyshohet se ka vjedhur në farmacinë e shtetases M. D.;
– Më datë 07.09.2022, në “Don Bosko”, dyshohet se ka vjedhur në një subjekt për këmbim valutor, në administrim nga shtetasja D. G.;
– Më datë 12.09.2022, në rrugën “Dritan Hoxha”, dyshohet se ka vjedhur telefonin e shtetases Xh. D”, njofton policia.
Materialet i kaluan Prokurorisë, për veprime të mëtejshme procedurale.
