Norvegjezi Erling Haaland, përforcimi i kësaj vere i Manchester Cityt, është lojtari i dytë më i paguar i skuadrës nga Etihad.
Haaland mbërriti këtë verë nga Borussia Dortmund për 60 milionë euro. Norvegjezi 22-vjeçar e nisi shkëlqyeshëm sezonin, duke shënuar 12 gola në tetë paraqitje dhe duke tundur rrjetën e kundërshtarit mesatarisht çdo 54 minuta.
Mediat angleze tani kanë zbuluar se Haaland fiton 22.5 milionë euro në sezon, ose 433,000 në javë.
Kjo do të thotë se ai është lojtari i dytë më i paguar i klubit, menjëherë pas Kevin de Bruyne, paga e të cilit është 24 milionë euro në vit.
