Kreu i PL, Ilir Meta tha se prioriteti i forcës politike që ai drejton është kthimi i referendumit. Nga studio e emisionit ‘Të Paekspozuarit’ në MCN TV, ai u shpreh se vetëm përmes referendumit, populli i Shqipërisë do mund të të marrë drejtimin dhe forcën mbi këtë politikë.
“Modelin ndryshe që dallon PL është që nuk është për të hequr Ramën, por për të çrrënjosur këtë sistem dhe modeli është garantimi i ushtrimit të së drejtës për referendumin e popullit shqiptar si e vetmja mënyrë për të marrë në kontroll këtë klasë politike. Duke fituar të drejtën e referendumit ai ka të drejtën mbi ne. Njerëzit e shesin votën kur shohin që udhëheqësit e tyre shesin, kur shohin ndryshimin gjërat ndryshojnë thjeshtë. Ne garantojmë referendumin, ky është prioriteti ynë. Maxhoranca e ri që do vijë do të garantojë referendumin sepse me atë përmbys çdo parlament dhe qeveri, bën politikë dhe gjithçka”, tha Meta.
Më tej, ai theksoi se referendumin është në kushtetutë dhe se referendumi është e vetmja rrugë që do i krijohet mundësia njerëzve të shprehen sa herë e shohin të arsyeshme.
“Referendumi bëhet me disa standarde dhe kritere që janë në kushtetutën aktuale dhe që do i krijohet mundësia njerëzve të shprehen sa herë e shohin të arsyeshme mbi bazën e kritereve. Rama rrëzohet me referendumin e parë, por mos kini merak se maxhoranca e ardhshme e ka prioritet, referendumi është e bllokuar qëllimisht. Qytetarët me referendum do votojnë çdo çështje që ata e shohin të arsyeshme”, u shpreh ai.
