Anti-monarkistja Jacki Pickett pasi publikoi në rrjetet sociale një video ku shfaqej para dyqanit të saj duke festuar për vdekjen e Mbretëreshës Elizabeth II, u përball me një sulm nga fqinjët e saj në Muir of Ord, në Skoci.
Një turmë e tërbuar u mblodh jashtë dyqanit “Jaki Fish and Chip Shop” dhe e qortuan Pickett. Mediat vendase raportuan se në vitrinën e dyqanit u hodhën vezë dhe policia u thirr për të shpërndarë turmën.
Një sitatë e tillë është paraqitur dhe nga prezantuesi argjentinas Santiago Cuneo i cili u shfaq duke festuar vdekjen e mbretëreshës duke hapur një shishe shampanjë. Santiago Cuneo e quan atë “plakë” dhe pastaj ngre dolli për vdekjen e saj.
Cuneo tha: “Personi i duhur ka vdekur” dhe “Plaka më në fund shkoi në ferr”.
Pas vdekjes së Madhërisë së Saj të enjten pasdite, kombi është në zi, me lule dhe mesazhe ngushëllimi të vendosura jashtë rezidencave mbretërore nga Pallati Buckingham deri në Kështjellën Balmoral.
