Një krim në familje ka ndodhur këtë të Enjte në Elbasan, ku një kryefamiljar ka plagosur bashkëshorten me thikë.
Elmas Kaliaj e ka goditur të shoqen Shkëlqime Kaliaj në banesën e tyre në lagjen “Dyle Haxhiri” dhe bashkë me të ka plagosur dhe një fqinjë që ka ndërhyrë për ti ndarë.
Në një njoftim paraprak lidhur me ngjarjen, policia bën me dije se gruaja e plagosur dhe fqinji janë jashtë rrezikut për jetën, ndërsa autori është ndaluar. Sipas të njëjtave burime, konflikti që çoi në plagosjen e dyfishtë ka ndodhur për “motive të dobëta”.
“55-vjeçari dyshohet se pas një konflikti për motive të dobëta, ka goditur me mjet prerës bashkëshorten e tij, po 50 vjeçe, si dhe fqinjin e tyre, shtetasin Enver Sula, 64 vjeç, i cili ka ndërhyrë për të ndaluar shtetasin Elmas Kaliaj”, njoftoi policia.
Sipas fqinjëve, autori ka probleme me shëndetin mendor.
