Performanca e Rita Orës në sheshin “Skënderbej” të martën e 6 shtatorit është diskutuar shumë jo vetëm në vendin tonë, por në mbarë botën. Gjatë qëndrimit të saj në Shqipëri, ylli botëror u shoqërua nga dy prindërit e saj.
Së fundmi, Vera Ora, mamaja e Ritës në një intervistë për “Euronews Albania” ka rrëfyer emocionet e saj teksa ndiqte koncertin e së bijës në Tiranë dhe tregoi si është Rita brenda mureve të shtëpisë.
“Rita bën shumë performanca dhe secila është shumë interesante, por në Shqipëri është speciale për ne si familje edhe për Ritën sepse ajo e din që është në një vend që njerëzit e duan dhe e ka atë sinqeritetin që të shprehet shumë më lehtë dhe e ndjen afërsinë, kjo performancë ka qenë shumë eksplozive dhe me energjinë e saj”– tha Vera.
Megjithëse atë e njeh e gjithë bota dhe gëzon një numër të madh adhuruesish, Rita është një vajzë e thjeshtë dhe sillet e barabartë në familje duke ndarë edhe punët e shtëpisë.
“Rita tani kujdeset për neve, për motrën, vëllain dhe rrethin e saj. Kur Rita vjen në shtëpi fama e saj mbyllet, nuk ka dallim mes fëmijëve të tjerë, duhet t’i lajë enët, banjën ta pastroj, është e kuptueshme, ajo e gëzon thjeshtësie që familja i sjell, i duket më normale se atë që ka punë. Unë i them Ritës që të gjithë jemi yje në profesionin tonë, ti e bën në publike por të gjithë jemi të njëjtë”,-përfundoi nëna e Rita Orës.
