Kryeministri Edi Rama, gjatë takimit sot me strukturat e Policisë, ku u prezantua Drejtori i ri i Përgjithshëm, Muhamet Rrumbullaku, u shpreh i ashpër me ndërtuesit e objekteve pa leje.
Sipas tij, katet pa leje të ndërtuara do të konfiskohen dhe do të përdoren për strehim social, do t’u jepen institucioneve që janë në godina me qira ose do të shemben.
Gazetari Spartak Koka, ka zbuluar te tjera detaje, sipas të cilit pritet arrestimi i shefit të komisariatit të zonës ku është ndërtuar pallati 8-katësh.
“Sipas informacioneve, pritet që një shef komisariati në Tiranë të arrestohet ose sot ose nesër për shpërdorim detyre për këtë pallatin 8-katësh dhe persona të tjerë që kanë qenë përgjegjës nga institucionet ligjzbatuese për ta mbikëqyrur dhe kontrolluar ligjshmërinë e këtij pallati ose jo dhe nuk e kanë zbatuar detyrën ose janë korruptuar duke i mbyllur sytë përpara një 8-katëshi.
Në komunikimin që kam nga burime nga Ministria e Brendshme, pritet që të arrestohet shefi i komisariatit dhe akuza për shpërdorim detyre sepse është e pastër akuza e shpërdorimit të detyrës për këtë pallat
