Biznesmeni shqiptar i ndërtimit Xhani Topalli, i cili rezultonte i zhdukur prej 8 ditësh në Greqi, është gjetur i vdekur.
Mediat greke raportojnë se ishte pikërisht një biznesmen 53-vjeçar që merrej me hotele, personi që mendohet se e ka vrarë babain e 3 fëmijëve të mitur që jetonte në Rodos prej më shumë se dy dekadash. Raportohet se ka qenë pikërisht 53-veçari ai që ka kontaktuar policinë dhe ka rrëfyer krimin dhe se ku ndodhej trupi i shqiptarit.
Sipas mediave helene, shqiptari rezultonte i zhdukur që prej datës 28 gusht, kur pati një takim me hotelierin 53-vjeçar nga Kallithea. Ky i fundit raportohet se i kishte para borxh.
Familja, në denoncimin e saj, u shpreh se Topallin e kishin marrë peng, pasi makina e tij ishte gjetur e braktisur në një zonë, dhe se telefoni nuk i dilte më i hapur.
Autoritetet kanë vënë në pranga 53-vjeçarin, i cili pas marrjes në pyetje ka pranuar se e ka vrarë shqiptarin.
Sipas “dimokratiki.gr”, vdekja e 46-vjeçarit Xhani Topalli është shkaktuar nga mbytja me litar, ndërsa është arrestuar edhe djali i autorit të dyshuar pasi dyshohet se e ka ndihmuar në transferimin e trupit.
Lexo edhe:
