Kreu i Partisë Demokratike, Sali Berisha, ka paralajmëruar sërish protesta për të rrëzuar regjimin e Edi Ramës.
Berisha u shpreh se shqiptarët do t’i japin përgjigjen e merituar mazhorancës ndërsa shtoi se do të miratojnë një agjendë që ka synim një protestë të qëndrueshme në mbrojtje të interesave të qytetarëve shqiptarë.
“Mendoj se shqiptarët do të arrijnë ti japin përgjigjen e merituar kësaj maxhorance në tërësi, parlamentit dhe qeverisë në këtë stinë e cila lajmëron më shumë se çdo gjë tjetër, protesta të fuqishme popullore.
Padiskutim që koordinimet do të bëhen. Ka një front opozitar që do të mblidhet. Do të mblidhet ‘Fronti për Shpëtimin e Shqipërisë’ dhe do të miratojë një agjendë që ka si synim një protestë të qëndrueshme popullore në mbrojtje të interesave të qytetarëve shqiptarë.”-tha Berisha.
