Avril Lavigne u nderua me një yll në ‘Hollywood Walk of Fame’ të mërkurën.
Këngëtarja dhe kantautorja kanadeze tha për Fox News Digital se kurrë nuk e kishte imagjinuar se do ta merrte këtë nder kur filloi karrierën e saj muzikore në moshën 16-vjeçare. Ajo kujton se e vizitoi rrugën historike për herë të parë kur ishte adoleshente, sapo kishte dalë jashtë shkollës së mesme me synimin për tu bërë këngëtare.
Lavigne solli një foto të saj nga ai udhëtim e veshur me të njëjtin kapuç që kishte veshur gjatë ceremonisë.
“Unë dua të them që të marrësh një yll sot në Hollywood Walk of Fame është një ëndërr absolute e realizuar, nuk mund ta besoj. Kam vizituar LA, Hollywood, për herë të parë kur isha 16 vjeç, dhe kjo jam unë këtu e fotografuar në atë udhëtim. Unë kisha veshur këtë kapuç, i cili ishte kapuçi im i preferuar në shkollën e mesme”, tha ajo. “Kurrë në një milionë vjet nuk kam menduar se do të kisha një yll, dhe ndihem shumë e bekuar dhe mirënjohëse dhe jam e lumtur që bëj muzikë edhe sot”.
