Nuk njeh pengesa Manchester United as kur bëhet fjalë për kryesuesit e Premier League. Djajtë e kuq shtrijnë në tapet edhe Arsenalin me rezultatin 3-1 me topçinjtë që pësojnë humbjen e parë sezonale.
Anthony Santos në debutim shënoi menjëherë. Mister 100 milionëshit i mjaftuan pak më shumë se 30 minuta lojë për t’u bërë braziliani më i ri që shënon në debutim në Premier. 22-vjeçari i hapi rrugën suksesit që u konfirmua nga dy golat e Rashford të asistuar nga Bruno Fernandes e Christian Eriksen.
Në krahun tjetër, Saka barazoi përkohësisht por goli rezultoi i pamjaftueshëm për të evituar disfatën e parë. Arsenal vazhdon të kryesojë me 15 pikë por diferenca me Tottenham e Manchester City ngushtohet në vetëm 1 pikë.
Kështu, pas 2 humbjeve radhazi në startin e sezonit, Man.United ka regjistruar 4 fitore radhazi teksa duket që puna e trajnerit Ten Hag po jep frytet e para.
