Tik Tok po u shërben britanikëve për të dhënë këshilla për të përballuar krizën energjitike që sa vjen e thellohet. Qytetarët që janë aktiv në këtë rrjet kanë ndarë ide se si të shkurtohen shpenzimet në mënyra kreative, si dushi në palestër dhe karikimi i pajisjeve tuaja elektronike në zyrë ose në transportin publik.
Biseda shtrihet edhe përtej vetë videove, me shikuesit që përdorin seksionet e komenteve në llogaritë e njohura për të ndarë truket e tyre dhe për të kërkuar këshilla.
Një video sugjeroi të karikoheshin të gjitha pajisjet elektronike përpara datës 1 tetor, kur kufiri i çmimit të energjisë i vendosur nga rregullatori do të rritet deri në 80 përqind.
Sugjerimi tërhoqi kritika nga disa të cilët theksuan se shumica e iPhone-ve kërkojnë një karikim ditor, por posteri origjinal thoshte se ai i referohej ‘pajisjeve të rastësishme’ që mund të mos përdoren aq shpesh.
Ndërkohë përdoruesit në seksionin e komenteve e çuan hakimin një hap më tej duke zbuluar se planifikojnë t’i marrin pajisjet e tyre elektronike në vendet e tyre të punës për t’i karikuar.
“Telefoni im është në karikim të përhershëm në punën time. Edhe airpods karikohen atje gjithashtu,”- tha një përdorues.
Palestrat gjithashtu kanë inkurajuar qytetarët që të fillojnë të bëjnë dush pas stërvitjeve të tyre në vend që të presin derisa të kthehen në shtëpi.
“Unë kurrë nuk bëj dush në shtëpi në ditët e sotme,”- tha një prej tyre.
Një tjetër shtoi: “Pa bërë shaka unë dhe e dashura ime e bëmë këtë dhe fatura e ujit shkoi nga 85 £ në 28 £”.
Babai i tre fëmijëve Mitch Lane ka fituar më shumë se një milion ndjekës në TikTok duke ndarë receta gatimi që kushtojnë vetëm 5 paund ose më pak që mund të përgatiten lehtësisht në shtëpi.
Disa nga recetat e tij përfshijnë makarona, churros, burgers dhe spec djegës.
Rritja e tepruar e kostove ushqimore pritet të godasë britanikët dhe familjet do përballen me një rritje prej 533 £ në faturat vjetore të ushqimeve. Çmimet u rritën me 11.6 për qind në gusht, rritja më e shpejtë që nga kriza financiare globale në 2008.
Ekspertët kanë thënë se nuk ka ‘shpëtim’ për 66 milionë njerëz në MB, të cilët gjithashtu do të inkurajohen të ndërpresin përdorimin e gazit dhe energjisë elektrike këtë dimër dhe madje të fikin dritat në shumë raste.
Njerëzit mund të inkurajohen të shmangin përdorimin e makinave larëse, pjatalarëse dhe furrave midis orëve 14:00 dhe 20:00. Shkollat madje kanë diskutuar dhe klasat që mund të kombinohen për të reduktuar numrin e dhomave që kërkojnë ngrohje çdo ditë.
