Në fund të Asamblesë Kombëtare të PS, Edi Rama u rikthye edhe njëherë në podium kur pritej mbyllja e aktivitetit. I kishin dërguar mesazhe, se në fjalimin e parë nuk përmendi qeverinë teknike, ndaj nxorri letrën dhe lexoi një fjalim tjetër më të shkurtër. E nisi me historinë e studentëve që kërkonin zgjedhje të lira, vazhdoi me kërkesat e PS në 2009 dhe vazhdoi me leksionet për demokracinë, për t’i thënë PD se po shkon drejt vetëvrasjes politike. Pasdite doli për Komunikimin e Javës dhe… lexoi të njëjtin fjalim. Me ndonjë ndryshim të vogël, foli njësoj si në asamble, me të njëjtat fraza dhe të njëjtat mesazhe.
Lapsi.al shkëputi një pjesa nga dy fjalimet identikë. Njëri lexuar paradite, tjetri pasdite. Shikoni si është tallur sot kryeministri me të gjithë ato që e dëgjojnë.
