Ambasada amerikane në Tiranë ka dërguar një grup gardianësh të burgjeve shqiptare për t’i trajnuar në SHBA gjatë gushtit.
Të dënuarit shqiptarë janë duke pritur me ankth se çfarë përvoje do të kenë marrë në Amerikë dhe çfarë mund të presin tashmë prej tyre, pasi ata sapo janë kthyer.
Ambasada e SHBA publikoi fotot e trajnimit të gardianëve tanë,të cilët i kanë bashkuar edhe me grupin e gardianëve nga Kosova, me sa duket ngaqë flasin të njëjtën gjuhë dhe kanë të njejtin temperament.
Financimin e stërvitjes e bëri Ambasada e SHBA në Tiranë për oficerët shqiptarë, kurse për ata në Kosovë e bëri Ambasada amerikane në Prishtinë.
Sipas njoftimit zyrtar. përfaqësuesit e Shërbimeve Penitenciare nga Shqipëria dhe Kosova, morën pjesë “ në një kurs trajnimi dyjavor mbi Menaxhimin e Institucioneve Penitenciare. Zyrtarë nga Shqipëria dhe Kosova udhëtuan në Kolorado për të ndjekur programin e trajnimit me Qendrën e Trajnimit Ndërkombëtar për Menaxhimin e Burgjeve të Departamentit të Kolorados.”
“Programet mbi sistemin penitenciar të zyrave të INL në çdo vend ndihmojnë qeveritë e tyre përkatëse të zhvillojnë një sistem burgjesh modern dhe mirëfunksional, i cili është i pavarur dhe profesional, funksionon me integritet, mban nën kontroll korrupsionin dhe aktivitetin kriminal në institucionet penitenciare si dhe i ndihmon të burgosurit për t’u rikthyer me sukses në shoqëri”, thuhet më tej në njoftimin e shoqëruar me këto fotografi.
