Deputetja e PS-së i fryn “zjarrit” me LSI-në: Ne jemi lokomotiva, të tjerët vagonë!

Deputetja e Partisë Socialiste Blerina Gjylameti ka komentuar replikat mes PS dhe LSI gjatë ditëve të fundit, duke dhënë dhe ajo mendimin e saj.
Në një intervistë për Report Tv, Gjylameti ironizoi LSI-në, duke thënë se PS është lokomotiva në zgjedhje ndërsa partitë e tjera janë vagonët.
“Kur diskutojmë koalicion me koalicion, shikojmë qasje të ndryshme, por dhe brenda koalicionit jemi konkurrentë me njëri­tjetrin. Sa më shumë të punohet, aq më e fortë është partia që kryeson. Ne jemi një pari lokomotivë, të tjerët kanë të bëjnë me vagonët që i bashkëngjiten.
PS është forca e vetme transformuese dhe forca e vetme udhëheqëse, ndërsa të gjithë të tjerët i bashkëngjiten. Një parti e madhe për t’u bërë më e madhe e ka pak më të vështirë, një e parti më e vogël për t’u bërë pak më e madhe e ka më të lehtë”, tha Blerina Gjylameti.