Presidentja e Kosovës Vjosa Osmani e ka përshëndetur, arritjen e një marrëveshjeje të ndërmjetësuar nga BE dhe SHBA me Serbinë lidhur me dokumentet e ndërsjella që kërkohen në kufij.
“Reciprocitet e barazi” – e vlerësoi arritjen, Vjosa Osmani në shënimin e saj në Fb. – Liria e lëvizjes ështe themeli i shoqërive demokratike e i vlerave evropiane. Republika e Kosovës çdo ditë e më shumë po kontribuon në paqe dhe stabilitet.
Falënderime Shteteve të Bashkuara të Amerikës dhe Bashkimit Evropian për rolin e tyre mbështetës. Do të vazhdojmë pandalshëm angazhimin drejt njohjes reciproke.”
Por, cila qe ajo pikë për të cilën Serbia ka rënë dakord ta zbatojë, pas ndërhyrjes së negociatorëve Mirosllav Lajçak dhe Gabriel Escobar sa në Prishtinë dhe në Beograd?
“Në kuadër të dialogut të ndërmjetësuar nga BE-ja, Serbia është pajtuar që të heqë dokumentet për hyrje-dalje për qytetarët me letërnjoftime të Kosovës dhe Kosova është pajtuar që të mos lëshojë dokumente të tilla për qytetarët që posedojnë karta të identitetit të Serbisë”, njoftoi Joseph Borrel, kreu i diplomacisë europiane në 27 gusht.
“Ne i përgëzojmë dy liderët për këtë vendim dhe për lidershipin e tyre”, shtoi ai.
