Një ngjarje e rëndë ka ndodhur në Mallakastër, aty ku një 30-vjeçar ka vrarë me sende të forta babanë e tij 73-vjeçar.
Sipas burimeve, autori i vrasjes, shtetasi M.M. ka një histori problemesh me shëndetin mendor.
I riu pas krimit të konsumuar është larguar nga vendngjarja, në fshatin Greshicë, dhe po kërkohet nga forcat e rendit.
Mallakastër/Informacion paraprak
Sot, rreth orës 21:30, në fshatin Greshicë, Mallakastër, shtetasi M. M., 30 vjeç (i cili vuan nga probleme të shëndetit mendor), ka vrarë me sende të forta babain e tij, shtetasin Q. M., 73 vjeç.
Grupi hetimor po punon për zbardhjen e plotë të ngjarjes dhe kapjen e 30-vjeçarit, i cili është larguar nga vendngjarja.
