Të gjithë fermerët shqiptarë që kultivojnë grurin në tokat e tyre, do të mbështeten financiarisht nga qeveria me 30.000 lekë për çdo hektarë të mbjellë, tha Edi Rama përmes një postimi në faqen e vet në FB, ku tregon se aplikimet do të bëhen në e-Albania.
“Duke filluar nga data 1 deri më datë 23 shtator aplikimet do të kryhen online në e-Albania, dhe përfitues do të jenë si fermerët individualë, ashtu edhe Shoqata të Bashkëpunimit Bujqësor, si dhe persona fizik ose juridik. Aplikantët mund të asistohen nëpërmjet numrit jeshil 08008383, nga specialistët e Agropika-ve dhe Agjencive Rajonale të Ekstensionit Bujqësor në territor”, shkruan Rama.
Vendimi në fjalë është marrë nga qeveria rreth dy muaj më dhe është bërë fillimisht i ditur nga ministrja e Bujqësisë, Frida Krifca.
